નથી કરતો કોઈ કામ ફક્ત સારું કે ખોટું લગાડવા માટે,
ભેગાં નથી કરવા, હું તો બોલું છું ફક્ત ભગાડવા માટે,
‘હૃષી’ શું કરે કોઈનું જીવન સુધારવા કે બગાડવા માટે?
કોણ નવરું છે અહીં, જડ જનસમુદાયને જગાડવા માટે.
ચંદુ : કેમ છો ચીમનભાઈ? કાશ્મીર ફાઇલ્સ જોઈ કે નઈ?
ચીમન : યાર ચંદુ તને તો ખબર છે કે જો પાંચ – પચ્ચીસ મળતા ના હોય તો હું મારા ટેબલ પરની ફાઈલ પણ જોતો નથી. કેમ એવું તો શું છે કે તું આજે શેરબજારમાંથી કમાવવાની વાતો મૂકીને સિનેમાની ચર્ચાએ ચડ્યો છે?
ચં : યાર બધી વાતમાં પૈસાપૈસા ના હોય. દેશપ્રેમ જેવુંએ કૈંક હોવું જોઈએ કે નહિ. બિચારા કાશ્મીરી પંડિતોનું દુઃખ આપણે પણ સમજવું જોઈએ.
ચી : જો ભાઈ, કોઈનું દુઃખ સમજવામાં ટાઈમ બગાડવા કરતા આપણે કોઈ નવું દુઃખ સહન કરવાનું આવે એ પહેલા તૈયારી કરવામાં સમય આપવો જોઈએ.
ચં : મતલબ ?
ચી : મતલબ એ, કે આ દેશમાં સતયુગમાં કાયદો-વ્યવસ્થા પોતે પરિશ્રમ કરી પ્રજાને દૂધ આપતી ગાયોના હાથમાં હતી, હવે કળિયુગમાં હોંચી હોંચી કરતા ગધેડાઓના હાથમાં ( કે લાતમાં ) છે અને હવે પછીના ઘોર કળિયુગમાં એ કરડતા કુતરાઓના હાથમાં જશે. તો આપણે આ કાશ્મીર ફાઈલ છોડીને આપણા ટેબલ પરની ફાઈલો માંથી કમાણી કરીને કોઈ આપણને વિસ્થાપિત થવાની ફરજ પાડે એ પહેલાં બીજા કોઈ દેશમાં બરાબર સ્થાપિત થઇ જવાનું.
ચં : ધેટ્સ વેરી સેલ્ફીશ થીંકીંગ ચીમન.
ચી : નો. ઇટ્સ વેરી પ્રેગ્મેટિક થીંકીંગ માય ફ્રેન્ડ. જો, થોડા વર્ષોમાં હું વિદેશમાં સેટલ હોઈશ. આજથી થોડા દસકાઓ પછી મારા કોઈ પૌત્ર-પૌત્રી કોઈક વૈજ્ઞાનિક શોધ-શંશોધન કરશે કે પછી અવકાશમાં જશે, કદાચ કોઈ મોટી મલ્ટીનેશનલ કંપનીમાં સી ઈ ઓ થશે કે પછી કોઈ રાજદ્વારી હોદ્દો સંભળાશે. એમાં કોઈ મોટી નવાઈની વાત નથી કરણકે એ બધા દેશોમાં આવી કોઈ આખા દેશને હીબકે લેવડાવતી ફાઈલો પેન્ડિંગ નથી એટલે લોકો આવા જ કોઈ કામો કરે છે.
__________________________
ઉપરોક્ત સંવાદમાં કોઈકને ચંદુની વાત સાચી લાગશે તો કોઈકને ચીમનની. ( આપને કોની લાગી? સાચું બોલજો, શાકમાર્કેટમાં તમારા પાડોશીની પાછળ પડેલી ગાયના સમ ) 😉
મારામાં સાચા ખોટાનો ભેદ પારખવાની ખરેખર ક્ષમતા હોત તો કદાચ મને એ ખબર હોત કે આ દેશમાં ખરેખર કયો પ્રશ્ર્ન મહત્વનો છે? પંડિતોનું કાશ્મીરમાંથી નીકળી જવું કે, નાચથી વખતે પુષ્પાના પગમાંથી ચંપલ નીકળી જવું ? વળી પાછું આવતા મહિને આ દેશનું ટોળું ક્યા મેળે જશે એ કહેવું ખરેખર મુશ્કેલ છે ! 🙂
By