બંધારણમાં એવું ક્યાંય લખ્યું હોય તો અમને બતાવો,
કે બધા કુતરા આસપાસ બેસે ને સિંહોની પરેડ કરાવો!
બહાદુર જવાનને બાયલી પ્રજા માટે પહેલા શહીદ બનાવો,
પછી એક હલકટના હાથે એની વિધવાને મેડલ અપાવો,
બંધારણમાં…
દેશમાં ખરેખર કોઈ ભૂલોમાંથી કાંઈ શીખ્યું હોય તો બતાવો,
આ જંગલીઓમાં કોઈ ખરેખર માણસ બન્યું હોય તો બતાવો,
બંધારણમાં…
પ્રથમ પ્રમાણિકને પાલતુ પોલીસકર્મી દ્વારા બેરહમીથી પીટવાઓ,
પછી કાયદાથી કગરાવીને નીચ ન્યાયાધીશોની બેશર્મી બતાઓ,
બંધારણમાં…
દરેક ચેનલ પર કોમી ઝેર ફેલાવો અને વ્યક્તિપૂજાના ઢોલ પિટાવો,
અણઆવડત, અત્યાચાર અને ભ્રષ્ટાચારને રાજઆજ્ઞાથી છુપાવો,
બંધારણમાં…
હૃષી જેવા વિદ્વાન અને બીજા ભગવાન સામે આવા નાટક ના ભજવાઓ,
પછી ભલે તમે આ ગાંડાઓને જગતગુરુ હોવાની ગોળીઓ પીવડાવો.
એક કાલ્પનિક દેશની કાલ્પનિક કથા.
***
દેશની રાજધાનીમાંથી મંત્રીશ્રીના પીએનો કોઈ રાજ્યના વરિષ્ઠ અધિકારી પર ફોન.
પી : સાહેબને વિધવા સહાય યોજના જાહેર કરાવી છે તો આગામી સોમવારે 25 વિધવાઓની સગવડ કરવાની છે. અને હોલ ભરાય એટલા બીજા માણસો.
અ : સારું.
5 દિવસ પછી
પી : શું અપડેટ છે? હજી સુધી કેમ વિધવાઓની યાદી મળી નથી. અમારે તપાસ કરવી છે કે બધી વિધવાઓ અભણ અને ગાય જેવી હોય, કે જેથી પાછળથી મીડિયામાં મોઢું ખોલીને કોઈ બબાલ ના કરે.
અ : સાહેબ, રાજ્યમાં એટલી વિધવાઓ મળતી નથી.
પી : શું વાત કરો છો?
અ : જૂઓ સાહેબ, અહીંથી કોઈ ફોજમાં જતું નથી. બીજું ચોમાસામાં ખાડામાં પડવાથી, કુતરા કરડવાથી અને રસ્તા પર રખડતા ઢોરોને લીધે જે વિધવા બની એ સરકારને બરાબર ભાંડે છે અને એમને લાવવી યોગ્ય નથી. વળી આર્થિક પરિસ્થિતિને લીધે યોગ્ય માત્રા કરતાં વધુ આપઘાત થઇ રહ્યા છે પણ એમાં મારા બેટા નવું શીખ્યા છે કે પોતે મરતાં પહેલાં પરિવારને મારતા જાય છે. એને લીધેતો આપણી અનાથ બાળકોની યોજના ફંક્શનોમાં પણ એટલા મળતા નથી.
વાત અહીં જ અટકતી નથી સાહેબ. રાજ્યમાં હવે મોટાભાગના છોકરાઓ લલ્લુ અને વ્યસની છે. માટે છોકરીઓ એમનાથી વધુ લાયકાત ધરાવતી હોવાથી લગ્નની જ ના પાડે છે. જો આમ જ ચાલ્યું તો ભવિષ્યમાં વિધવા યોજનાઓ જ નકામી બની જશે.
માટે પ્લીઝ મંત્રીશ્રીને આ વાત સમજાવો
પી : જુઓ તમારી વાત તો સાચી છે પણ ભૂલથી પણ મંત્રીશ્રીને સમજાવવાની વાત ના કરતાં. એ આ જગતગુરુ રાષ્ટ્રના બાપ છે. એ સર્વજ્ઞાની છે. શું સમજ્યા? માટે સમજવાની જરૂર તમારે છે. જો વિધવાઓ ના મળે તો તમારી અને બીજા અધિકારીઓની પત્નીઓને બેસાડજો પણ કવોટા પૂરો કરવાનો છે.
અ : પણ મીડિયાવાળા આ વાત જાણી જશે તો?
પી : અરે ઘૂમટો તાણીને મોં છુપાવીને બેસાડજો એટલે કોઈ કેમેરામાં નહિ આવે. એનીવે બધા કેમેરા તો એક જ એંગલ પર રહેવાના છે. અને જાણી પણ જશે તો કઈ ચેનલની હિમ્મત છે કે એનો એન્કર મોઢું ખોલે?
અને હા, ભલે ફંક્શન વિધવાઓનું છે પણ મંત્રીશ્રી એરપોર્ટ પર ઉતરે એટલે એઝ યુઝવલ એમનું જોરશોરથી સ્વાગત તો કરવાનું જ છે. 20-25 ઢોલ નગારાવાળા અને 25-30 ગરબા ગાવાવાળાને પણ રાખવાના છે. અને એમાંથી પણ બે-ચાર વિધવાનો રોલ ભજવવા રેડી હોય તો ડ્રેસ બદલાવી બેસાડી દેજો.
અ : ઓકે સર. સર બીજી એક વાત હતી કે આપણું જે વિધવા સહાયનું 50 લાખનું બજેટ છે એમાંથી મંત્રીશ્રીના સ્વાગતમાં જ 20-25 તો વપરાઈ જશે. જેમ કે 2-5 લાખનો તો એ ફૂલોનો હાર પહેરે છે. બાકીના માંથી ભાડુતી માણસોનો ખર્ચ અને બીજા ખર્ચા બાદ કરતાં માંડ એક બે લાખ વધશે.
પી : તમે એની ચિંતા ના કરો. આ તો યોજના છે. પબ્લિસિટી છે. આપવાના થોડા છે. ફંક્સશન પૂરું ને વાત પુરી.
અધિકારી ઘરે જઈને એની પત્નીને વિધવાનો રોલ કરવાની વાત કરે છે. પત્ની ના પાડે છે…
અ : અરે તું કેમ સમજતી નથી. આ ગુંડા મવાલીઓ આજે મંત્રીઓ બની બેઠા છે. જો એ કહે એમ નહિ કરીએ તો તને સાચે જ વિધવા બનાવતા આ નીચ લોકો ખચકાશે નહીં.
બીજા માટે નહિ તો આપણા ____ માટે પણ તારે આ કામ કરવું પડશે. જો તેંજ જીદ કરીને એને 18 વર્ષ પણ પુરા નહોતા થયા અને લક્ઝરી સ્પોર્ટ્સ કાર અપાવવાની જીદ કરી હતી. એના પરિણામે જ ભાઈએ પીધેલી હાલતમાં બે જણને પુરા માર્કેટ વચ્ચે ઉડાડી દીધા. એ અત્યારે જેલમાં કેમ નથી એ તું બરાબર જાણે છે.
ત્રણ પ્રશ્નો…
1. ) જો તમે આ અધિકારીની પત્ની હોવ તો શું કરો?
2. ) જો તમે આ અધિકારીની જગાએ હોવ તો શું કરો?
3. ) તમે જો આવા રાજયના નાગરિક હોવ તો શું કરો? જવાબો મનમાં રાખશો તો પણ બહાદ્દુર, બાયલા કે બબુચક નાગરિકોની ઓળખ ચૂંટણી દરમ્યાન છતી થઇ જ જાય છે.
By